萬豪住2送1活動

我茄姐開呢個Page 嘅宗旨係想將一啲自己會玩開嘅旅行着數會動介紹俾大家一齊玩，如果我自己都唔玩嘅，我都唔會介紹俾大家。今次茄姐又有好嘢介紹啦，就係萬豪酒店嘅兩個活動，不過好老實講咁一句茄姐主力都係玩活動1 (住2送1)，因為我自己覺得活動2 唔係太易玩，要拎50000分嘅話我不如玩Holiday Inn 嗰個，易好多 (茄姐之前有介紹過，詳情：http://tomatoexp.blogspot.hk/2016/03/holiday-inn_10.html)，不過都寫埋出嚟等大家知道，有興趣嘅可以去馬！

活動1　住2送1活動
無論你係新Member 定舊Member，一樣都玩得，只要喺4月15前登記，5月15前入住兩次參與推廣活動嘅萬豪酒店，就可以得到　一至　五類別酒店嘅一晚色免費住宿。即係話就算住兩次平類別嘅酒店，都可以換到一晚貴嘢啊！不過要注意嘅係要住夠2次(2 stays)而唔係兩晚，同一間酒店連續住十晚都係計入住一次，就算中間日子check out 之後再check-in 都係計一次。
詳情：https://www.marriott.com/rewards/promotion.mi?promotion=MS16

活動2　介紹朋友贏50000分
如果你係舊Member ，你就可以玩呢個Programme，只要你透過呢個活動每介紹朋友，嗰位朋友喺以後365日內每入住一次萬豪酒店你都可以有2000分，每位朋友最多可以得到入住獎勵五次，即係有10000分，而喺一個Calendar year 你最多可以介紹五位朋友，所以最多可以拎到50000分。而每一次入住萬豪你嘅朋友都可以得到2000分，最多可以有五次獎勵，共10000分！
50000分有乜用先？以茄姐經驗嚟講，最平7500分可以換到一晚房，所以呢50000分其實都幾和味咖！
介紹朋友詳情：http://www.marriott.com/marriott-rewards/earn/refer-a-friend.mi


着數1 + 着數2 = 最賺
以上兩個活動都可以Combine埋一齊嚟玩，你先玩活動2 refer 你啲Friend 注册，與此同時你叫你嘅Friend 打俾萬豪Customer service 話要玩住2送1個活動，咁你啲Friend 除咗可以有得住兩次送一次，另外亦有4000分(因為每住一次有2000分)，同時你亦都可以有4000分。