日本國內線不二之選－日本航空Japan Explorer Pass (日本探索周遊券)

日航國內線　穏陣之選
茄姐好明白大家番工咁忙仲要plan 點買機票真係好辛苦，好似日本國內線咁，真係花多眼亂，與其晒時間格價捕票，不如揀個穩陣嘅，就算唔賺都起碼唔會蝕，慳番啲時間訓個靚覺影相出嚟人都sharp啲啦！

最近，日航都推出咗類似嘅promotion，叫做：Japan Explorer Pass (日本探索周遊券)，外國人可以用10800yen優惠飛日本國內線，同ANA嘅外國人優惠大同小異，啱晒我呢啲又要平又要嘆仲要方便嘅人。

雖然好多人都會覺得七舊水單程飛國內線太貴不如坐廉航，不過茄姐話你知廉航唔做特價都要港元三、四百仲要另加行李錢，如果大時大節仲分分鐘過千，但日航呢個就唔同，長期包括大時大節都係10800yen，唔想捕住特價廉航咁煩嘅話買日航就一定唔會蝕！茄姐知道呢個優惠後當然盲衝啦， 一嚟日航好少做特價，二嚟仲有以下優點！

優點：

1. 行李每人兩件/每件23公斤 

2. 日航飛行儲蓄計劃累積里數100%

3. 機上 Wi-Fi 500yen起，可以用足全程！

（日航特選會員仲可以免費tim）

4. 有嵐做代言人（呢個係我prefer 日航多過ANA嘅原因）
5. 隻皮座位係出嘅，坐落應該會舒服啲！


而且宜家訂票user friendly咗好多，而家只要你係住日本國外＋進出日本的國際線機票（廉航／埃航／印度航空都得），就可以去日航官網（指定link）買啦！注意要心儀航班起飛前72小時前買！每個單程航段需10,800yen ＋幾十蚊機場稅 (同ANA一樣），每次最多可以買5張！（以前一定要坐國泰／日航／馬航，再打去call centre先買得）

注意：機票不可變更/退票，只提供經濟艙，無兒童折扣，但兩歲以下嬰兒免費。仲有係日本國內線係冇飛機餐嫁，但會提供野飲！不過佢地嘅飛機餐好似好吸引，有冇fans 食過可以分享下呢？


日航日本國內線特惠票價簡介：http://www.hk.jal.com/hkl/local/domesticairpass.html?Ff=1

訂飛啦：http://www.world.jal.com/world/en/japan_explorer_pass/ar/