肯亞航空 (非廉航) 宜家曼谷飛香港來回又做緊五百幾蚊啦，計落仲抵過單程廉航曼谷返香港！嗱事先聲明呢張係曼谷飛香港而唔係香港飛曼谷，唔好搞錯，我知道你哋一定會心裡暗X緊茄姐介紹啲冇鬼用嘅飛俾你哋嘛，都係嗰句啦睇完你就可能覺得好有用架啦！
玩法1 （歐洲返曼谷駁腳飛）
其實茄姐知道唔少朋友都買咗曼谷/ 東南亞往返歐洲嘅平機票，如果你搵緊返香港嗰程呢張飛就perfect啦，五舊幾水分分鐘仲平過你買單程廉航返香港，而且仲包埋你30KG行李，去完歐洲返香港啱晒啦，行李費都幫你慳埋！仲有呢張飛係可以逗留一個月，咁即係話你番咗香港之後可以抖番一個月先再返曼谷渡個靚假，最後買單程廉航返香港搞掂，諗落真係好抵！
玩法2 （平玩兩次泰國）
可以補買多一套阿聯猶／香港航空／斯航平曼谷機票，分分鐘千五蚊可以玩兩轉曼谷，抵到爛！
出發日期：5月26, 31日、6月4、9日、9月13,15, 22, 27日、10月1, 4, 11, 13, 18, 20, 25日、11月8日都有
回程：5月31日、6月2, 7, 14日，9月20, 22日、10月4, 6,11日、11月8日
訂飛網址：Expedia HK
行李：30kg
貼士：記得要search 來回
0 意見:
張貼留言