就咁話一般，唔達到國際大集團水平，今次要「食、住、行」每樣詳細分析！
整體而言，茄姐都比3.5分（滿分為5分）性價比都OK!（我訂600蚊港幣）
酒店雖然算不上頂級，但屬中上水平！
食
自助早餐（房價已包）4分
種類算好多（雖然唔似洲際有芒果任食），欣賞佢地有Egg Benedict（水差參差），
除此以外有壽司（味道一般）／泰式煎蛋捲（炒蛋＋豬肉，咸咸地）／叉燒豬肉丸米粉（推介！有肉味，米粉亦彈牙爽口）／自助鮮榨果汁／彩椒炒蝦球（驚喜之作！）
用餐區為室外，仍會有少量蚊，請帶備蚊怕水！
自費午餐 4分
今次有新張優惠，午餐時段有雞尾酒有買一送一（平均每杯120batt)，沙嗲／雞翼（10batt一件）飲品不錯（用新鮮青檸不會太差！）熟食味道尚可，性價比高！
住 3分
我住最基本的房型（花園Garden Wing），酒店大到要坐高球車先去到房間（早知道比多少少住Ocean Wing海景房，近好多）不過房外環境唔錯，有露台，十分開揚。房內有部分是北歐風格，廁所亦是分開浴缸和淋浴（忘記了呢個叫咩style 呢？）水力是夠的，但浴室用料一般，特別是廁所去水慢。
行＋設施 4分
位置好方便，旺中帶靜，附近有Central Festival大商場食・買・按摩
大堂行簡約北歐風，入住是亦有Welcome Drink及冷毛巾，尚算細心！
酒店對出的公眾沙灘有不同的水上活動，沿著沙灘行都會見到不同的酒店如Novotel resort, 搵食好容易！沙灘水質尚可，也有一點小魚，但我不太想遊！酒店有兩個泳池，海邊的那個風景不錯，但花園那邊的有點兒細（有免費泳池潛水班！）
想立刻知道我們有更新？請like facebook專頁: facebook.com/tomatoexpress
0 意見:
張貼留言