搭飛機除咗睇服務外，野食都好重要，第一炮先講大家同報紙佬都好關心嘅因航，究竟呢間五星航空嘅飛機餐又值幾分呢？
最近搭咗兩次國泰，有機會試到佢嘅早餐同午餐，本來期望不大，估唔到又有少少驚喜，不過我唔係用五星航空嘅標準去睇，呵呵。
早餐（早機直飛札榥）
先講下個早餐先，有粥有生果有yogurt再加個包同一枝水，份量ok望落算大體。粥嘅味道真係唔錯，咸淡適中，一定好食過大家樂，以飛機餐黎講算係咁，而且夠晒熱加分唔少！麵包都係熱辣辣同幾軟熟，但味道一般啦，普通航空公司貨色，生果就幾新鮮，總括黎講算係一份唔錯嘅早餐。值得一提嘅係佢杯野飲偏大杯，我估多過其他航空三份一，飲一杯已經好夠。
午餐（下午機直飛名古屋）
至於今日再搭餐膳好似大變身咗，小編好討厭的膠餐具都換走左（好似係換左隻生物可降解物料），個紙杯又有隔熱物料，抵讚！
前菜就算啦，主菜賣相唔得但味道有驚喜！牛肉幾惹味，用咗香料去辟個雪味，不過個飯就⋯（除非你坐business 係空中煮啦）
總括嚟講不過不失啦，不過作為五星航空，其實可以好好多嘅。
總分: 70/100
國泰飛日本除左等Fanfare先有平外，平時可以到Expedia: https://goo.gl/zunw6E
留意一下二人同行套票，或者會有驚喜？當年我買一套直航機票要4xxx，但套票只係3xxx （仲要包兩晚酒店xppp）
0 意見:
張貼留言