去台灣食夜市食到悶，不如食下啲高級野，香港三份二至一半錢就已經嘆到台北五星級酒店嘅buffet，不如食少幾餐夜市一次過食餐勁！
逢襯香港酒店自助餐有乜優惠都好多人去搶，
其實想食好野駛乜咁辛苦，喺台北平均四百零港幣已經食到五星酒店自助餐，真係好抵食！
第一炮介紹嘅係台北W酒店嘅自助餐。
W Hotel 主打新潮路線，所以用餐環境好in，而且座落酒店高層所以景色唔錯架，其實食環境都抵！
先講飲品，香港酒店好多時都係包一杯咁大把，W 唔同，飲品係任飲，汽水，茶呢啲basic野唔講啦，
但佢個果汁吧真係冇得輪，自己揀生果有然後有專人幫你即榨，鮮榨果汁喎喺酒店飲一杯都唔平啦，呢度四舊水包埋喎！
到大家都好關心嘅海鮮刺生啦，種類唔算好多但基本野都齊，例如長腳蟹,蝦，貝，青口，三文魚，吞拿魚等都有，不過老實講，我覺得呢間buffet 嘅冷盤做得唔算出色，海鮮刺生唔係好好好有鮮味，不過都過得去嘅......
熱食反而做得唔錯，種類唔多但樣樣都有一定水準，蝦餃大大粒一定要食，燒牛肉，炒青口，串燒都好食，天婦羅就一般啦可以唔試。
至於甜品種類幾多，蛋糕都有成十款，另外有餐廳自家製雪糕，但水準唔算頂級，食完冇乜印象。
總括黎講台北W Hotel buffet 雖然唔係食完嘩一聲，但勝在食物質素平均，四舊幾港幣絕對值得一試，唔好忘記佢係W Hotel!
嚟緊茄姐會繼續為大家介紹一啲又平又有質素嘅台北餐廳，大家記住留意啦！
小貼士：
網上訂位／詳情：http://www.wtaipei.com.tw/thekitchentable
spg 會員星期一至五食有85折！電話：886 2 7703 8887
0 意見:
張貼留言