Ubud 近年發展咗唔少激流、漂流、等等嘅tour，價錢唔貴，不過可能好多人都擔心安全同衛生問題，所以今次茄姐專登去玩，睇下究竟係咩環境！
唔少東南亞國家都有得玩類似嘅活動，茄姐都玩過唔少，不過可能太多遊客兼環保意識唔夠，周圍垃圾，所以今次玩之前都好驚污糟，大佬話晒要濕水喎。
茄姐今次就試咗漂流+索道飛翔，盛惠港幣七百幾蚊，包接送包Lunch Buffet，咁究竟抵唔抵玩？
林環境清幽 溪水比想像中清澈
嚟到活動地點，真係唔錯，周圍一片綠油油嘅森林，空氣幾清新，應該唔會中伏。
活動中心喺山上，條河喺山下，所以要搭TV落山玩。沿途嘅景色真係唔錯，最重要係冇垃圾，乾乾淨淨。落車之前教練仲幫我影相，真好！
落到河，講真比我想像中靚，啲水比我想像中清，放心晒！
河兩邊嘅風景都幾靚，拎埋相機去自拍下都唔錯！
河兩邊嘅風景都幾靚，拎埋相機去自拍下都唔錯！
今次呢個玩法係一個人坐一個水泡 (水泡新淨所以唔洗擔心)，唔洗撐唔洗郁，沿住河流漂，間唔中會經過瀑布仔，有少少刺激兼且會全身濕晒，不過大體嚟講係比較輕鬆寫意，睇下風景咁，我覺得小朋友同中年人都啱玩 (但要留意年齡限制)，但如果你想要激嘅話就唔好揀呢個活動。
有時要落水泡行過吊橋再繼續，教練會幫手拎水泡，所以呢段時間可以喺吊橋影下相，不過要注意安全，皆因地下有青苔，茄姐都仆過一次……
索道較短 但設備完善
去到半路落水泡上河玩索道飛翔，濕住身玩真係另有一番風情。索道冇我想像中咁長同冇咁高，細膽嘅朋友都應該冇問題，如果唔想玩嘅話亦都都可以唔玩，反正行幾步就到盡頭！
順帶一提，雖然呢個索道短，但安全設施都做足，茄姐有留意佢係採用雙索，我知道唔少地方都係單索，呢樣野大家要留意啦！
玩完索道就繼續漂流之旅，大大話話都漂咗個幾鐘，我覺得幾Relax下，尾段落大雨，原本以為水會好急，點知又OK喎，感覺幾安全。
Lunch Buffet 乾淨企理
玩完之後去番活動中心有毛巾同可以沖熱水涼，熱水好夠熱！
茄姐參加過好多呢啲一日團，今次個Lunch Buffet 算係咁，雖然唔算太多野食，有咖哩雞/牛、菜、炒麵、薯條、生果等等，不過勝在枱椅都乾淨，嘢食又有蓋，冇烏蠅，比起其他呢度環境幾好。
細節位貼心
一向奄尖嘅茄姐好鐘意留意細節位，雖然事前冇乜太大期望，但估唔到呢間公司又做得幾好！
- 司機叔叔準時接送唔在講，上到私家車仲有小食禮包，真係夠貼心。而且亦唔會一次接送好多人，Guideline寫明最多同一地區接三單客，唔驚逼爆。
- 出發之前聽教練講解詳情時有咖啡同蛋糕。
總括嚟講，茄姐覺得如果大家去峇里嘅話，去Ubud玩下漂流/ 激流或者KTV啦，比起其他地方，呢度環境冇乜污染，仲係好清新，價錢亦相對平。
至於茄姐今次玩呢個活動老實講唔算好平，不過玩足咁耐兼且服務好，最重要係教練好細心，就算帶埋小朋友嚟玩都放心。
至於茄姐今次玩呢個活動老實講唔算好平，不過玩足咁耐兼且服務好，最重要係教練好細心，就算帶埋小朋友嚟玩都放心。
其實Ubud 總共有幾條河可以玩呢類型嘅活動，唔同活動價錢唔同，貴又有平又有，想激又得，想冇咁激又得，大把選擇。
不過茄姐要提大家參加嘅話最好搵啲可靠嘅地方報名，今次茄姐個Trip 就係KKday book 嘅，貪佢方便同信得過，有時仲比官網平，我見有個活動四舊水咋，Book 之前記住搵下有冇Discount Code！
【茄姐推介】峇里島森林峽谷漂流與索道飛翔！
價錢：HK$799
注意：
有三個場次選擇，如果唔想塞車建議Book 最早的那場 (去Ubud 係超塞車)！
2個工作日內回覆訂購結果，所以要預時間Book。
【抵玩之選】知名泛舟公司Sobek塔拉嘉河激流泛舟 比官網便宜25%
價錢：HK$398
注意：
2個工作日內回覆訂購結果，所以要預時間Book。其他小貼士：
- 如果人少少嘅話教練會幫你影相，所以記住帶個防水手機袋袋埋個電話去玩。
- 因為真係會全身濕晒，而且中途要落水泡行路，最好著涼鞋同唔怕濕水嘅衫褲玩。
0 意見:
張貼留言