香港都有得渡假? 西貢Tikitiki Bowling Bar玩一日

茄姐今次同大家去西貢一間保齡球場玩。雖然位置係西貢，但都唔算太難去。喺旺角家樂坊對出有去西貢嘅紅Van，上到車大概30分鐘就到達目的地。

茄姐去到見到個場，一個字，大！睇返資料原來成個場有成2萬呎咁大。場內除咗保齡球場之外，仲有吧枱，餐廳同露台。成個場充滿着tikitiki 風情，最啱加入一家大細，三五知己甚至乎情侶來hea一日。

一場黎到，茄姐又點會唔碌翻鋪。先喺reception登記左之後，佢旁邊梳發換埋鞋就可以開始玩啦。

玩到咁上下見肚餓，隔離有餐廳可以醫肚。餐廳有分fine dining 或者自助餐。

Fine dining餐廳就唔俾小朋友入嘅，最啱比大人靜靜地relax下，或者情侶情調一番。餐廳啲食物都幾有特色，聽講有時仲會兔肉、鹿肉。有興趣嘅朋友可以一試。

但今晚茄姐就選擇咗佢嘅加勒比自助餐啦。自助餐嘅食物賣相都幾精緻，味道不過不失。至於食物嘅選擇，沙律、特色甜品同小吃較多，但係主菜欠奉，只係得一道roasting meat，扒就唔見有。唔好以為冇咩肉食就會食唔飽，其實齋食青口，串燒，beef pie都食到飽啊。

食飽仲可以去隔離吧枱同朋友摸下杯底，飲返兩杯，認真唔錯。

自助餐包埋任飲都只係HK$499（仲送一鋪保齡球），唔包任飲呢就只需HK$299。
呢個優惠就只得四日 （4月29號、5月6號、13號同21號），有興趣嘅就快啲打2657-8488訂位啦。

官網: http://www.tikitiki.hk/

茄姐點評

茄姐覺得$499個Plan幾抵，因為包任飲啤酒、雞尾酒，
又可以去玩保齡球、唔駛假日出去玩同人迫已經值回票價。

茄姐其他食評:

去山頂西餐廳撐枱腳不是夢!：https://goo.gl/mVoJIL

[超抵食]澳門Sofitel 自助餐 $122 包加一：https://goo.gl/rtAwVb

一卡在手　落機都可以入Lounge食自助餐！ ：https://goo.gl/lxDCmC