Panasonic NA57 負離子風筒+Philip 梳

茄姐自從愛上旅行後，已經好少喺香港shopping,除咗想慳錢去旅行之外，覺得香港嘅物價比其他地方貴好多，而且又要同人逼，所以去開旅行買埋唔洗煩，宜家直情連柴米油醬醋都留番出埠買，阿媽本身話我痴線但宜家都學埋我啲衰野，無計啦真係又平又正......所以茄姐決定不定期喺page 度分享下我嘅旅行shopping 經驗，一齊交流下......

就好似Panasonic NA57 負離子風筒咁，茄姐睇睇咗網上review 好耐，等到新年去東京時入手（其實香港水貨鋪都有），用完真係番唔到轉頭，成千銀嘅風筒雖然係貴但我茄姐覺得真係物有所值，因為茄姐有個朵叫亂髮女神，天生頭髮硬會一條條彈起，用咗佢好好多。茄姐都介紹過另一個朋友用，佢用完話好正，所以我就介紹埋比大家啦。大茄姐用咗一段時間有少少心得可以分享下埋比各位。

心得一：洗完頭唔好即梳頭，用佢吹到八成乾再梳。
茄姐個髮型師朋友同茄姐講濕住梳頭會傷頭髮（背後原因上網就可以查到），所以最好要吹乾啲先梳。不過茄姐之前用其他風筒吹乾之後啲頭髮打晒結，每次梳頭勁辛苦，仲址甩咗好多頭髮。但自從用咗呢個風筒後，成件事好就輕鬆，吹到八成乾再梳頭唔好會好激住，頭髮明顯甩少好多。有時茄姐懶吹到佢全乾就訓，第二朝先梳頭都冇問題。

心得二：配埋Philips 負離子梳用更易用
想個髮型靚，出街之後最好用風筒，參考髮型屋平時幫你吹頭嘅手勢吹兩吹，咁就最完美。可惜茄姐好鬼懶，有時間都化個妝啦，根本冇時間吹頭，所以茄姐買咗個負離子梳試下 (呢個唔係日本買，放工行過電器鋪買)，一用之下幾work, 梳幾梳頭髮貼服咗順直咗，當然冇吹出嚟嘅效果咁正啦，但如果趕時間出門就真係唔錯。茄姐基本上夜晚用風筒吹完頭，第日出街前就用負離子梳下就搞掂。平時出街我都會帶住佢，亂咗即刻梳幾下，諗住遲啲去旅行都帶住佢。

茄姐喺日本睇過Panasonic 最新嘅NA 97 ,聽聞重正，不過冇國際版要另配火牛所以就冇搏啦 ，另外上次茄姐喺日本人見到sharp 都新出咗隻國際版離子風筒，大家有冇試過？

P.S. 茄姐要放長假去個旅行散心，呢個page 暫時交由茄姐個年輕才俊friend 小金(拎住風筒嗰個就係，大家FF 下)繼續發掘著數野比大家，大家日日mon 住佢唔好比佢偷懶呀。