茄姐最滿意嘅酒店係？

【茄姐去岩里】

上回講到Ubud，今回就講係茄姐嘅最愛峇里Nusa Dua (努沙度瓦)，唔係因為佢特別好Shopping，而係因為呢度係大型高檔resort集中地，而且幾個resort嘅私人沙灘連埋一齊成為一個小村落， 基本上你可以留喺度足不出戶兩三日盡嘆奢華生活，今次就同大家介紹一間位於Nusa Du，係茄姐喺峇里暫時住過之中最滿意嘅酒店。

我哋入住嘅係Kayumanis Nusa Dua Private Villa and Spa，佢同Sofitel、Club Med等幾大resort 相連，而唯一唔同嘅係佢只有Private Poll Villa而冇其他客房，價錢一晚大概HKD2000左右，呢個價當然唔平，但亦都唔算貴(Banyan Tree 講緊4-5千一晚)，而且當你睇埋佢嘅設施同服務後，絶對係超值，怪唔得知可以成為Trip Adviser 滿分酒店。

預訂酒店：https://goo.gl/7h4MEc (AE 卡9折code: AMEXHK10)

Kayumanis 裝修唔算Grand但咁樣令人仲舒服，房間四面係落地玻璃門，所以朝早好光猛，望住和私人泳池同埋小庭園，真係好寫意。廁所係半露天，可以一路望住啲花花草草沖涼，別有一番風味，大家唔洗擔心有蚊呢個問題，廁所除咗有蚊香之外，可能本身滅蚊做得好，我住咗兩晚都冇比蚊針過，本身我係一個勁惹蚊嘅人！

我哋第一日成六點先Checkin，宜家諗番起真係好後悔蝕咗啲時間，所以建議大家早啲去Check in。每間Villa 都有一位私人管家，我哋嘅私人管家帶我哋去Villa 房間設施，佢話我哋知原來Kayumanis 係玉桂咁解，所以所有沐浴用品都係玉桂味，真係好香喎。房間入面嘅零食 (Nuts同曲奇)同埋所有飲品都係免費的，食完唔夠可以打電話Refill。Nuts 同曲奇好好食，細節位都做得咁好，真係好難得。

襯我哋傾緊計時，兩位員工喺房間後門靜靜咁送上Welcome Drinks，亦因為我哋係去慶祝周年紀念，酒店特地送上蛋糕同花花浴，飲品同雞糕都唔錯，所以令我對佢哋嘅餐飲部留下一個好印象。

話明係我最滿意喎，點止以上咁小兒科啊，今日講住咁多先，聽日同大家介紹埋呢間酒店嘅戲肉同周邊活動，記住留意啦！


預訂酒店：https://goo.gl/7h4MEc (AE 卡9折code: AMEXHK10)

下集：https://tomatoexp.blogspot.com/2016/06/kayumains.html