可能平日關係，喺本薄到寫咗名等咗一陣就有位。餐牌得少少英文，朋友話早幾個月去過係完全冇英文，可能已開始有外地人發掘到呢間正野！
點咗最受歡迎嘅蕃茄燒餅同牛油果炒麵。菜式有別於傳統，係新派fusion 菜。
牛油果炒麵 ¥1280
價錢唔係平，但絕對物超所值。
除咗牛油果外配料仲有菇，粟米仔，青菜等，全部都好新鮮。
味道唔算濃，比人好清新嘅感覺，而且食落creamy，食完第一啖真係留下深刻印象。
建議盡快食晒佢，因為放喺鐵板上啲汁好快會乾，乾咗就冇咁好食。
蕃茄燒餅 ¥1280
店員會先放上餅餅底，再淋上汁料。
茄汁配超多海鮮，幾足料下。
味道偏濃，酸酸甜甜，比傳統嘅關西燒餅少咗啲油膩感。
但略嫌呢個汁嘅味太濃搶咗海鮮鮮味，個人黎講比較中意牛油果炒麵。
難得嘅係餐廳位於梅田板急百貨上面，非常易搵，趁住未被遊客攻陷，早食早享受。
地址：梅田阪急百貨樓上餐廳樓層
0 意見:
張貼留言