台北平價版W 價錢親民 裝修新潮

今次介紹呢間台北酒店喺2016年年尾先開，屬SPG集團 (Shereton, W 果間呢)旗下酒店之一，地點位於中山區雙城街，行幾分鐘就到捷運行天宮站，酒店附近有便利同一個小小嘅夜市，好方便，佢就係台北 Aloft (雅樂軒) 啦。

茄姐覺得呢間酒店可以講係Hidden Gem，尤其對鐘意住大集團式酒店嘅朋友或者商務客黎講，因為價錢只係HKD8xx 起標，但無論裝修設備都好新潮，你可以當係W 平價版......

即訂：http://www.expedia.com.hk

裝俢新潮　房間實用

因為開幕唔係好耐，所以裝修新淨，要住就襯早啦。

大堂唔大唔Grand 但勝在設計夠新潮，酒店到處都放置咗幾位台灣新銳藝術家嘅作品，集潮流、藝術於一新，住落都覺得自己好似文藝咗，哈哈！

茄姐上次就住一張Kind Bed 嘅房，房間唔算好大但絶對夠用，放大型行李都夠位，房入仲有一幅好得意嘅畫添！

半開放式嘅廁所其實幾實用，洗手盤得喺出面，廁格同淋浴間分開，而且唔似好多酒店咁半透明間隔，同friend 住都冇有怕！

房間基本設備如風筒、水壺等一應俱全，仲有燙衫板提供，啱晒商務客！

名牌淋浴用品　奢華又好用

同W酒店一樣都係用Bliss 呢個牌子嘅沐浴用品，我諗女士最開心呢樣嘢，因為住喺度你絶對可以放心用佢洗頭水同淋浴露，呢個英國牌子真係好好用，出面買枝細細枝嘅淋浴露都百幾蚊架！

W一半價錢都有咁正嘅待遇，真唔錯！

服務貼心　為小朋友提帳篷

會員有小禮物送，卡上仲集齊咁多位員工簽名，算幾有心！

茄姐冇小朋友所以冇試過帳篷呢個service，但見有Blogger話可以request 酒店喺房間幫小朋友set up 一個兒童迷你帳篷，茄姐睇相都覺得好正，我諗小朋友一定好鐘意！除此之外，小朋友入住好似仲送一套施巴淋浴用品，唔錯！

早餐中規中舉

早餐呢一part 係有少少失望嘅，嘢食唔算好多選擇，味道唔係好突出，如果房價包埋就冇所謂，要加錢食就唔建議啦！

酒店資料

台北中山雅樂軒aloft酒店 (台北市)
價位：HKD 800- 1800

----------------------------------------------------------------------------------------------------------------------------------

其他台北酒店推介：

台北美食推介：

hotelscombined