HK$27xx 圓歐洲夢 + 單程國泰香港飛新加坡

茄姐又搵到好嘢介紹俾大家，宜家做緊12月直航飛蘇黎世HK $27XX ，再包多你一程坐國泰去新加坡，茄姐就覺得好抵啦，你點睇？講真，我知你哋諗乜，蘇黎世喎，好似冇嘢好玩，你哋都係想去英、法、意多啲啊嘛！曾幾何時茄姐都係咁諗，覺得想去意大利就一定要飛意大利，其實宜家時代唔同咗，想去嗰果地方唔一定要飛嗰度嘅，邊度平就搭去邊度，到咗玩幾日再搭內陸機或者火車去你想去嘅地方咪得囉。所以今次茄姐好肯定話你知，呢個package 好值得入，因為除咗可以玩瑞士之外，蘇黎世搭火車去意大利米蘭都只不過係HK$200- 300，歐洲喎，仲要係聖誕月份，睇下落雪都好啊！

 
 瑞航仲要用全新波音777-300ER 飛香港，雖然茄姐未坐過瑞航，但上網睇完都覺得不錯！無錯茄姐係好鐘意去日本Shopping，但今次我決定聖誕棄日本攻歐洲，去埋意大利買我最鐘意嘅Marni 手袋.....

經濟艙還有自助吧台！

另一程香港去新加坡又要係坐國泰，返香港嗰程咪求其買張廉航就得，你喺新加坡玩幾耐都冇問題！


點訂票？

上Expedia香港Expedia.com.hk，用多個目的地功能搜香港到尋蘇黎世，蘇黎世返香港，香港去新加坡

 除咗12月，今年3月6日至12月15日呢段期間出發都得架，當然啦旺季個價錢就一定做唔到咁平，想訂嘅話就要3月28日或者之前訂票啦！以下係茄姐少少購買心得，助你百發百中到平票！


訂票小貼士

1) 避開旺季 (例如暑假、復活節等)
2) 蘇黎世返港後要即日或隔日轉飛新加坡先至會最平
3) 整個行程要一個月內完成，最遲2016年1月15日要完晒
4) 國泰航空飛新加柀果段有機會仲可以儲 Asia Mile (Class V)，唔好蝕